Qlobal Təhsil Tədbirləri
Beynəlxalq təhsil imkanlarını bizimlə kəşf edin!
Middlesex University Dubai "Transform 2026" Açıq Qapı Günü Keçiro+ir!
Middlesex University Dubai, ilin ən böyük açıq qapı günü olan "Transform 2026" tədbirinin yenidən keçiriləcəyini elan etdi. Tədbir 27 iyun tarixində universitetin "Dubai Knowledge Park" şəhərciyində (kampusunda) baş tutacaq. 2026-cı ilin sentyabr ayı üçün ali təhsil seçimlərini dəyərləndirən tələbələr üçün nəzərdə tutulan bu layihə, akademik araşdırmaları canlı yay festivalı ab-havası ilə birləşdirəcək. Beləcə, gələcək tələbələr və onların ailələri universitet həyatını yerindəcə təcrübədən keçirə biləcəklər.
Akademik Proqramlar və Gələcək İmkanları Kəşf Edin
Gün ərzində qonaqlar universitetin akademik heyəti tərəfindən keçirilən interaktiv seminarlar vasitəsilə Middlesex University Dubai-ın hazırlıq (foundation), bakalavr və magistratura proqramları haqqında ətraflı məlumat ala biləcəklər. Tələbə namizədləri proqram seçimləri, qəbul şərtləri, təqaüdlər, təhsil haqları və gələcək karyera imkanlarını müzakirə etmək üçün müəllimlər, qəbul komissiyasının nümayəndələri və dəstək qrupları ilə görüşmək imkanı qazanacaqlar. Tədbir fərdi rəhbərlik (konsultasiya) almaq və universitet həyatını daha yaxından anlamaq üçün əla fürsətdir.
Tələbə Dəstəyi və Karyera İnkişafı Komandaları ilə Görüş
Akademik sessiyalarla yanaşı, iştirakçılar universitetin Karyera və Məşğulluq Xidmətləri (Careers and Employability Services), eləcə də Akademik Uğur Mərkəzi (Centre for Academic Success) ilə əlaqə qura biləcəklər. Bu komandalar tələbələrə təhsil müddətində yararlana biləcəkləri təcrübə proqramları, karyera inkişafı, iş tapmaqda dəstək, oxuma bacarıqları və akademik uğur resursları haqqında məlumat verəcəklər. Ziyarətçilər, həmçinin dərsdənkənar fəaliyyətlər, tələbələrin rifahı üçün nəzərdə tutulmuş təşəbbüslər, o cümlədən Dubaydakı London İdman İnstitutu (London Sport Institute) vasitəsilə təklif olunan proqramlar barədə də məlumatlana biləcəklər.
Bütün Ailə Üçün Festival Həyəcanı
"Transform 2026" adi bir açıq qapı günündən daha çox şey vəd edir. Tədbirdə tələbələrin canlı çıxışları, interaktiv fəaliyyətlər, yarışmalar, müxtəlif hədiyyələr və kampus boyu festival mövzulu əyləncələr yer alacaq. Ailələrin tədbirə birlikdə qatılması, kampusu gəzməsi, mövcud tələbə və müəllim heyəti ilə tanış olması və səmimi, rahat bir mühitdə kampus həyatını real şəkildə görməsi xüsusilə tövsiyə olunur.
Müraciət Edənlər Üçün Özəl İmkanlar
Tədbir zamanı qeydiyyatdan keçib yerini təmin etmək qərarına gələn tələbələr, həmin günə özəl qrantlar və əlavə təkliflərdən yararlana bilərlər. Girişin pulsuz olduğu və fəaliyyətlərin saat 12:00-dan 18:00-dək davam edəcəyi tədbirə qonaqlar özlərinə uyğun vaxtda gələ və kampusda istədikləri qədər vaxt keçirə bilərlər.
"Transform 2026" üçün Qeydiyyatdan Keçin
"Transform 2026" gələcək tələbələrə yeni akademik il başlamazdan əvvəl Middlesex University Dubai-ı kəşf etmək, mövcud təhsil variantları ilə tanış olmaq və kampus həyatını hiss etmək üçün unikal şans yaradır. İştirak etmək istəyən tələbələr və ailələr öncədən qeydiyyatdan keçə və tədbir haqqında daha çox məlumatı Middlesex University Dubai-ın rəsmi saytından əldə edə bilərlər.
StudyNet Group necə kömək edir?
Middlesex University Dubai-da təhsil almaqla bağlı məsləhət və müraciət (qəbul) prosesində dəstək üçün tələbələr StudyNet Group ilə əlaqə saxlaya bilərlər.
Tel: +994 55 918 93 93 ; +994 12 310 00 23
Mail: [email protected]